Guddiga KMG ah ee doorashooyinka Puntland oo kordhiyay waqtiga furashada ururrada siyaasadda

War saxaafadeed.

Ka dib markii Guddigu dhegaystay codsiyo badan oo is daba jog ah oo uga yimi siyaasiyiinta danaynaya urrurada siyaasada iyo dadwaynaha Puntland. Guddigu Markuu arkay in wakhtigii diiwaan gelinta iyo qabashada codsiyada urrurada siyaasada uu dhamaaday kuna eegaa 31/12/2017.

Hadaba Maanta oo taariilkhdu tahay 3/January/2018 Guddiga KMG ah ee Doorshooyinka Puntland Waxa uu shacabka Puntland usoo gudbinayaa war-saxaafadeedkan.

  1. Guddigu wuxuu garowsaday in ilaa hada ay is diiwaan geliyeen 4 urrur siyaasadeed oo kala ah (Gar-soor, Umadda, Ubax iyo Himilo).
  2. Guddigu isagoo tix gelinaaya geedi socodka nidaamka xisbiyada badan ee Puntland wuxuu go’aan ku gaaray in uu fursada dheeraad ah siiyo daneeyayaasha siyaasada puntalnd. Sidaa darteed Guddigu waxa uu go’aansay in uu wakhtiga diiwaan gelinta ku daro mudo hal bill ah oo ka billabmaysa 3/Janaury/2018 kuna eeg 3/feberaury/2018.
  3. Guddigu wuxuu ku dhiiri gelinayaa urruradii horay isu diiwan geliyey in ay soo dhamays tiraan shuruudihii looga baahna. Sidoo kale Guddigu wuxuu fursad siinayaanaa siyaasiyiinta danaynaysa in ay urruro siyaasaded furtaan.
  4. Guddigu waxa uu ku war gelinayaa urrurada siyaasada Puntland ee is-diiwaan geliyey iyo kuwa doonaya in ay is-diiwaan geliyaanba in 28/Feberuary/2018 Guddiga bilaabi doono in uu hubiyo in urrurada siyaasada ee is-diiwaan geliyey ay buuxiyeen shuruudaha sharciga ah ee looga baahnaa.
  5. Guddigu wuxuu ku war gelinayaa urrurada siyaasada ee is-diiwan geliyey in guddigu ku casumay 10/01/2018 kulan is-barasho iyo is-xog waraysi ah, Kulanku waxaa uu ka dhici doonaa xarunta dhexe ee guddiga ee Guddiga KMG ah ee Doorashooyinka Puntland ee magaalada garoowe sacaadu marka ay tahay 09:00 am.

MAHADSANIDIIN.

C/raxman Diriye Samatar

Gudomiyaha Guddiga KMG ah ee Doorashoyinka Puntland.

            

Leave a Comment

Your email address will not be published. Required fields are marked *